July 10, 2025 | 13:55 Timor Leste
DILI, www.news-viptv.com – Hodi asegura seguransa durante Jogos Desportivos CPLP, Komisaun Organiza XII Jogos Desportivos CPLP 2025 realiz ainkontru kordenasaun ho parte Polisia Nasional Timor-Leste (PNTL), Kuarta (9/7/2025), iha Centro Convesoens Dili.
Koordenador Jeral Eventos XII Jogos Desportivos CPLP 2025 atual Sekretariu Estadu Arte no Kultura, Jorge Soares Cristovão esplika, iha inkontru kordenasaun ne’ebe lidera husi Segundu Komandante Jeral PNTL, Komisariu Pedro Belo ho Komandante Operasaun PNTL, Superintendente Xefi, Justinho Menezes, katak PNTL pronto ona atu fo seguransa durante eventu refere.
“Inkontru ohin, Ami koa’alia planu oinsa mak atu halo seguransa ba jogu ida ne’e,” informa membru governu ne ba jornalista sira hafoin inkontru.
Iha eventu ne’e, membru governu ne’e esplika, alende iha jogos desportivos, ih amos konferensia Ministru Juventude no Desportu pais membru CPLP sira, inklui Forum Juventude CPLP.
Total delegasaun ne’ebe fixu ona hodi partisipa iha eventus ne’e maka hamutuk ema 520 husi pais 7, exeptu Brasil no Guine Equatorial ne’ebe la partisipa.
Tuir orario jogu ne’e sei hahu 19 to’o 26 Jullu 2025 ho seremonia abertura iha 19 Jullu iha Estadiu Munisipal Dili ho jogu dahuluk husi modalidade futebol maka jogu entre Timor-Leste kontra Portugal.
Hamutuk iha modalidade 8 ne’ebe compete iha jogos CPLP maka Atletismu, Futebol, Karate, Taekwondo, Tenis do Kampu, Voleibol Praia, Basketbol 3 x 3 no Xadrez.
Parte PNTL, esplika, Komandante Operasaun PNTL, Superintendente Justinho Menezes hateten, nu’udar instituisaun seguransa pronto atu fo seguransa maximu ba eventus desportu internasional ne’e.
“PNTL garante katak, situasaun sei lao diak, ita sei asegura eventu sira ne’e ho dia’k. Eventu ne’e espesial ba ita Timor, asegura ita nia relasoens integrasaun entre Timor-Leste ba CPLP, tamba ne’e mak husu ba media komunidade sura, espesial ba joven sira hotu hotu, stu kontribui, pas no estabilidade ba eventu ida ne’e,” nia dehan.
Nia mos apela ba lider komunitaria sira liliu xefi suku, xefi aldeia, delgado delegada, atu informa ba joven sira, wainhira eventu ne’e hahu sira mai hare ho disiplina, mai ho regras i halo tuir polisi sira ne’ebe mak tau regras iha fatin hotu, atu nune’e ita la bele mosu krimi ou problema hatudu ba mundu katak ita seidauk asegura ita nia eventu ida ne’e,” nia hateten.
