August 18, 2025 | 23:22 Timor Leste
DILI, www.news-viptv.com – Autoridade Proteção Civil (APC) durante period 11 to’o 18 Agostu 2025, rejista uma komunidade nian hamutuk 17 hetan estragus husi dezastre anin bo’ot.
Xefi Seksaun Komunikasaun GREC APC nian, Genoveva Fernandes Almeida iha konferensia imprensa informa, alende uma 17, APC mo rejista uma 8 estradu tamba insendiu (ahi-han), no ema ida mate iha Liquisa tamba hetan soke husi eletrisidade.
“Husi estragus sira ne’e priense kriteria iha 16,” esplika Genoveva Fernandes ba jornalista sira, Segunda (18/8/2025), iha edifisu APC Kaikoli.
Uma ne’ebe hetan estragus ne’e rejista husi Munisipiu Baucau Anin sobu uma 8, Ahi han uma 2, Bobonaro: anin sobu uma 4, Ahi han uma 1, Lautem: anin sobu uma 1, Liquica: Mate 1, Manatutu: Anin sobu uma 1, Ahi han uma 4, RAEOA : Anin sobu uma 3, no Viqueque: Ahi han uma 1.
Komando APC Munisipiu ho Parseirus Relevante, nia esplika, fornese ona asistensia emerjensia ba família afetadus sira mak hanesan Ai-han no laos Ai-han (food item & Non-food Item).
“Komando Operasional Autoridade Protesaun Sivil (APC) Munisipiu sira sei kontinua halo hela levantamentu detaillus kona-ba sasan ne’ebe estragus no lakon,” dehan ofisial APC ne’e.
