August 7, 2025 | 01:50 Timor Leste
Hanoi, www.news-viptv.com – Ekipa futebol feto Timor-Leste laiha kbi’it hasoru Filipina hafoin lakon bo’ot 0-7 iha jogu dahuluk AFF Women Championship 2025 ne’ebe realiza iha Hanoi, Vietnam hahu 6 to’o 19 Agostu 2025.
Jogu foin hahu minutu 2, Timor-Leste nia baliza nakles ona husi golu Aaliyah Schinaman ne’ebe livre husi guarda defeza selesaun.
Filipina iha minutu 7 kontinua halo golu sai 2-0 liu husi ain Quenly Quezada no Hali Long iha minutu 9 habo’ot skoru Filipina nian sai 3-0, husi golu kabesa ne’ebe nia halo hafoin simu bola kantu husi nia maluk.
Jogu primeira parte taka ho skoru 4-0, hafoin Quenly Quezada ne’ebe livre halo tan golu daruak husi nia nia ain iha minutu 32.
Iha Segunda parte, Filipina remata nia jogu ho skoru ikus 7-0 ho aumenta golu 3 husi jogadora Dionesa Tolentin iha minutu 57 no 64, ho Adelaide Wyrzynsky iha minutu 75.
Go vitoria ne’e, Filipina lidera grupu 3 ho pontu 3 hanesan Myanmar ne’ebe manan Myanmar ho skoru 2-1
Iha jogu ne’e, Timor-Leste hamutuk iha Grupu B ho Filipina, Australia no Myanmar.
Jogu daruak Timor-Leste sei hasoru Myanmar iha 10 Agostu no Australia iha 13 Agostu.
