August 8, 2025 | 08:39 Timor Leste
DILI, www.news-viptv.com – Prezidenti Liga Timorense, Ipolito Soares esplika oramentu ne’ebe Ministeriu Juventude, Desportu, Arte no Kultura ho Federasaun Futebol de Timor-Leste apoia ba Liga la to’o hodi realiza full kompetisaun ba epoka 2025.
Meia kompetisaun ne’ebe halo ba epoka tinan hetan ona konkordansia entre FFTL no MJDAK wainhira halo inkontru tri-partida ho Liga Timorense.
Ho orsamentu refere, prezidenti liga ne’e husu ba MJDAK no FFTL, atu tinan oin bele hasa’e mos osan subsidiu ba klubu hodi bele joga full kompetisaun ho valor orsamentu ba kada klubu iha primeira divisaun ho montante dolares rihun 60 ou rihun 70 kada epoka.
Relasiona ho appareal balun ne’ebe apoia deit klubu 3 iha primeira divisaun, prezidenti Liga ne’e esklarese Liga laiha ligasaunno halo akordu ruma ho appareal ne’ebe apoia farda ba klubu balun iha primeira divisaun.
Kona ba Terseira Divisaun, Liga Timorense sei realiza nia jogu wainhira jogu primeira no Segunda divisaun remata ona.
