August 8, 2025 | 23:34 Timor Leste
DILI, www.news-viptv.com – Governu liu husi Ministeriu Saude hamutuk ho nia parseria sira husik ona susuk Wolbachia ba publiku iha Kapital Dili hodi reduz moras sira ne’ebe hadaet husi susuk.
Susuk Wolbachia ne’ebe Ministeriu Saude husik ba publiku ne’e halao liu husi seremonia ofisial ne’ebe hamutuk ho Menzie Timor-Leste, Action of Poverty no World Mosquito Program halao Sexta (8/8/2025) dadersan iha Jardim Largo Lecidere, Dili.
Objetivu husi lansamentu susuk Wolbachia ne’e, hodi prevene no reduz moras dengue, Zika, Chikungunya no yellow fever.
Reperezentante Prezidenti Autoridade Munisipiu Dili, atual sekretariu asuntu sosial das organizasaun, Tomas Baros hateten, parte autoridade nia agradese ba governu ne’ebe hahu programa susuk Wolbachia ne’e iha Munisipiu Dili.
Primeiru Sekretáriu-Saúde, Embaixada Austrália iha Timor-Leste Deidre Ballinger, hateten: Austrália haksolok bele fó apoiu ba solusaun saúde públika ne’ebé inovativu no sustentável ida-ne’e hodi hamenus duni moras ne’ebé hada’et husi susuk.
