August 20, 2025 | 15:49 Timor Leste
DILI, www.news-viptv.com – Prezidente Repúblika, José Ramos-Horta, Sábadu (16/8/2025) ne’e halo vizita ba Binani-Mindelo, Turiscai, hodi fó homenajen ba Mártir Nasionál Nicolau dos Reis Lobato no mos mártir sira seluk.
Vizita ne’e hanesan parte husi programa, iha ámbitu komemorasaun ezisténsia loron FALINTIL nian ba-dala 50 (1975–2025). Nia rekorda momentu triste loron 31 Dezembru 1978, wainhira notísia Nicolau Lobato nia mate to’o iha Dili.
Prezidente mos rekorda momentu triste loron 31 Dezembru 1978, wainhira notísia Nicolau Lobato nia mate to’o iha Dili. “Ema hotu-hotu silénsiu no laiha partidu polítiku ida haksolok iha momentu ne’eba,” nia hateten.
Prezidente akresenta katak Nicolau Lobato simu todan bo’ot, nu’udar Prezidente FRETILIN husi Francisco Xavier do Amaral, husi Comité Central no simu todan hanesan Prezidente Repúblika, tanba ne’e nia hanesan Símbolu Unidade Nasionál.
