August 15, 2025 | 17:21 Timor Leste
Dili, www.news-viptv.com – Prezidente no Laureadu Nobel ba Pás, J. Ramos-Horta, hato’o ninia sentidu kondolénsia ba Repúblika Populár Xina hafoin inundasaun no rai-halai ne’ebé maka’as iha Provínsia Gansu no rejiaun sira seluk, ne’ebé maka rezulta trájiku iha lakon vida, kanek, no estragus materiál ne’ebé boot.
Iha karta ofisiál ho data 14 Agostu 2025 ne’ebé diriji ba Prezidente Repúblika Populár Xina, Xi Jinping, Prezidente Ramos-Horta hateten:
“Ha’u hakarak hato’o ba Vossa Exelénsia, Governu, no povu Xina ha’u-nia sentidu kondolénsia profunda, nune’e mós Timor-Leste nia solidariedade durante tempu tristeza no adversidade ida-ne’e. Ami-nia hanoin no orasaun hamutuk ho família enlutada sira, sira ne’ebé lakon, no kanek sira, no ami deseja ba sira forsa no rekuperasaun lalais. Ami mós louva esforsu inkansável nian. ekipa salva vida sira no medida sira ne’ebé autoridade xineza sira foti hodi tulun komunidade sira ne’ebé afetadu,” dehan xefi estdau iha komunikadu imprensa ne’ebe redasaun assesu.
Timor-Leste hamriik metin hamutuk ho povu Xina iha espíritu amizade no solidariedade nian, ho konfiansa katak reziliénsia no determinasaun nasaun Xina nian sei orienta rejiaun sira ne’ebé afetadu ba rekuperasaun no rekonstrusaun.
Iha 7 Agostu 2025, udan bo’ot akontese iha sidade Gansu no rezulta inundasaun bo’ot no rai halai ne’ebe hamate ema nain 10 no 33 relata lakon.
